Resultados da primeira enquisa de O Terrunho.

Os resultados á pregunta "Que nota lle porías ó goberno actual de Ordes no que leva de mandato", son os seguintes:
- Moi deficiente: 12% dos votos
- Insuficiente: 12% dos votos
- Suficiente: 0 votos
- Notable: 4% dos votos
- Sobresaínte: 32% dos votos
- Matrícula de Honra: 4% dos votos
- Aínda non tivo tempo: 20% dos votos
- Unha merda (con perdón): 0.16% dos votos.

Estes resultados lévannos a supoñer que a xente está contenta co que leva visto, é pronto, pero xa vemos por onde van os tiros. Por outra banda, se facemos unha media dos resultados, teremos que o grao de satisfacción é medio.

Seguimosvos pedindo coma sempre a vosa opinión, pois (parafraseando unha famosa canción), sen vos non somos nada.

Ordes plantexa a Presidencia a ampliación da Casa do Concello.

A delegada provincial da Consellería de Presidencia, Aurora Moinelo, realizou onte unha "xira" pola comarca ordense, na cal se reuniu con representantes do executivo local, que prantexou a necesidade dunha ampliación e remodelación da Casa do Concello, para o que se solicitou ó departamento autonómico representado por Moinelo unha subvención que amplía a solicitada polo anterior goberno, xa que se trata dun "proxecto moito máis ambicioso". Segundo o goberno, a reforma da casa consistorial pasa pola remodelación da existente e a construccion dun novo módulo adosado, para o cal se aproveitarían os terreos que o Concello posúe na parte posterior do mesmo. O goberno basea a necesidade da ampliación na cantidade de servizos que alberga na actualidade un mesmo edificio (Policía Local, Biblioteca...). -Na edición do correo galego, como podedes comprobar aquí, tamén di que as dependencias da Garda Civil están no propio edificio do Concello, penso que o corresponsal está mal informado, o que non sei é se foi a propósito ou por accidente- A obra pode ser presupostada nos primeiros meses do próximo ano

Ademais, o Concello tamén solicitou a Presidencia un novo vehículo para Protección Civil, e recordou a petición xa realizada dunha bomba urbana lixeira (camión antiincendios).


Pensades que é necesaria esta ampliación? Hai espacio suficiente para acometela? Poderían as obras causar un caos circulatorio pola chegada de camións de material, etc.? Coma sempre agardamos as vosas opinións e respostas.
Saudos.

P.D.: O que queira saber a miña opinión, que me avise, e quedamos algun dia...
P.D2.: As vacas voan...

Ordes acorda cambiar o nome de rúas con referencias ao franquismo

O pleno aprobou a medida por unanimidade e afecta ás rúas General Mola, Generalísimo, Calvo Sotelo e José Antonio. Este acordo foi alcanzado grazas á moción presentada polo BNG, unha iniciativa que o grupo nacionalista leva presentando desde a súa chegada á corporación municipal no ano 1995. Agora, tras o acordo alcanzado, a rúa General Mola pasará a chamarse rúa de Galicia; a rúa Generalísimo será a rúa Nova; a rúa Calvo Sotelo será a rúa dous Lagartos; e a rúa José Antonio pasará a chamarse a rúa do Recreo. Este acordo suporá a modificación do rueiro de Ordes, actualmente vixente desde fai 30 anos. A pesar de que aínda non está decidida a data, espérase que sexa canto antes.
Cabe decir que no caso das rúas General Mola e Generalísimo, o BNG propuxo chamalas Manuel Ponte Pedreira e Alexandre Bóveda, "como recoñecemento ó sacrificio destas persoas en favor da democracia que hoxe disfrutamos". En cambio, a enmenda presentada polo goberno, rexeitou eses nomes por tratarse de perosoaxes históricos, co cal se podían ferir sensibilidades.
Ademais, a corporación municipal acordou que levará a cabo unha homenaxe de recoñecemento ás republicanos fusilados da comarca. A data aínda está por acordar.

Coma sempre, gustaríanos saber a vosa opinión sobre o tema.

Gastos das festas patronais.

Neste enlace, sacado da web do concello, podedes descargar un arquivo de Word no que aparece unha táboa cos custos das diferentes actuacións das festas patronais.

Ven dicindo que o custo en orquestras foi de 66300 €, sumando un total co resto de actuacións, incluído o festival brincadeira, de 87200 €. Creo que como habitantes do pobo, e contribuíntes ás propias festas, deberíamos de recibir unha información máis detallada, é máis, creo que temos DEREITO a saber tamén canto recibe o concello por parte dos chiringuitos montados, dos coches de choque..., ademais de saber canto aporta a xente do concello á conta bancaria que este ten destinada ás festas, así poderíamos saber se as contas estan feitas correctamente.
Por outra banda, pareceme unha animalada, pagar a orquestras como Bahía Blanca (penosa) máis de 4000€. Ainda que tamen penso que o resto foron pagadas bastante por enriba do seu valor, sobre todo pola presa que había para realizar as contratacións. (Teño coñecemento de causa neste tema).

Que vos parecen a vos os gastos das festas patronais? Son acordes coa calidade das mesmas? Seguide opinando como facedes sempre.
Un Saudo.

O Concello de Ordes contra o abandono das fachadas dos edificios abandoados.

Como di o xornal "Tierras de Santiago", o concello emitirá antes de final de ano unha ordenanza que obrigará ó coidado das fachadas das construccións abandoadas ou en mal estado. Din que os costos correrán por cargo dos propietarios, pero que o concello dará facilidades. Todo isto forma parte da "cruzada contra o feísmo" que xa iniciou o goberno actual co feito de pintar de branco certas fachadas e colocar os "carteis de prohibido fixar carteis". Notese certa ironía, xa que non creo que a mellor maneira de adecentar as nosas rúas sexa pintar con pintura branca augada unhas fachadas que nin foron lavadas previamente, co cal, pese a que non teño coñecementos no tema da pintura, creo que non durarán moito tempo tan ben pintadiñas. En fin, volvo a pedirvos a vosa opinión sobre estas medidas, pensades que son de cara á galería? ou en caso contrario pensades que son actuacións correctas, coherentes e que realmente son importantes?.

Localizan 4 fontes non potables en Ordes

As analíticas de acuíferos e fontes que o concello de Ordes está levando a cabo, detectaron a presenza de catro acuíferos non potables no concello. Veñen sendo os manantias Fonte da Costa e A Chan en Montaos, Morgada no Mesón e Sta. Eufemia en Leira. Os resultados das análises revelan contaminación por bacilos (bacterias coliformes), entre elas E. Coli, co cal a auga non é apta para o consumo. Este tipo de contaminación, tendo en conta que estas bacterias se introducen no medio polas deposicións de humanos e animais, é debida á presenza cercana de fosas sépticas ou pozos negros ou á fertilización con purín dos prados próximos. Desde o Concello aseguran que as análises se repetirán nuns 6 meses, polo que os acuíferos poderán revertir a súa situación.

Por outra banda, segundo "El Correo Gallego" Ordes pediu a Medio Rural Masa común para crear dúas áreas recreativas e bocas de auga. Regos e Pedreira visitaron as instalacións da consellería de medio rural para reunirse con Suárez Canal, na que Regos lle expuxo a vontade de que, tralo reparto de terreos despois das concentracións parcelarias de Vilamaior e Barbeiros, o Concello poida utilizar as zonas de masas forestais comúns para a creación de áreas de ocio na beira do río. Tamén solicitaron a utilización de terreos comúns para a creacion de bocas de auga para a limpeza das cisternas, co propósito de evitar o arrastre de productos agresivos ós ríos.

Que vos parecen estas actuacións? Parecevos que son correctas e necesarias? ou pola contra parecevos que agora mesmo o concello está a moverse demasiado no tema medio ambiental para a) quedarse coa xente máis xoven b) tapar outros temas tamén importantes e que non se están a tratar coa mesma celeridade? Esperamos as vosas opinións, coma sempre.

As actividades culturais e lúdicas comezarán a celebrarse o 1 de outubro para todos os públicos.

Como di a voz, as concellerías de Deportes e de Educación, Cultura e Xuventude de Ordes presentaron o programa das actividades culturais e deportivas dirixidas a todos os veciños. O prazo de inscrición para os programas participa dá cultura e creando canteira empeza o día 20 e finaliza o día 28. Os interesados deberán dirixirse ao departamento de Educación do Concello e cubrir a solicitude en horario de 9.00 a 14.00 horas de luns a venres e de 17.00 a 19.00 horas os luns e mércores.

As actividades destes programas inclúen clases de ioga, debuxo e pintura para nenos e adultos e bailes de salón de nivel I e II que terán lugar no Local Municipal e a Escola Antiga. O programa Creando canteira inclúe cursos de aeróbic para adultos, de iniciación e perfeccionamento de patinaxe, de tenis de mesa, de fútbol sala, de hockey e de ximnasia de mantemento. Estas clases terán lugar nos pavillóns Campoamor e Castelao e no Campo de Fútbol e a Casa dá Cultura. As actividades extraescolares no CEIP Campoamor e Castelao tamén comezarán o 1 de outubro e a data límite para realizar as solicitudes é o día 21.

Que vos parecen as actividades promovidas? Botades en falta algunha? Pola miña parte... resúltame cando menos chocante que non aparezan cursos de tenis, baloncesto... (o que non quere decir que non os haxa, porque seguramente os haberá).