Resumo da última sesión plenaria.

José Manuel Tobío toma posesión.
O edil José Manuel Tobío Boquete tomou posesión onte, no pleno ordinario de Ordes, do seu novo cargo como concelleiro de Industria e Comercio. Tobío responsabilizarase deste departamento, en sustitución da ex portavoz socialista Ester Couto, que estivo tamén presente na sesión. O alcalde, Manuel Regos, mostrou a súa satisfacción e Tobío asegurou que comprometería totalmente co Concello e o seu novo posto.

O Concello asumirá a xestión directa do cemiterio e do tanatorio do Balado.
O pleno aprobou por unanimidade o expediente de desafiuzamento por vía administrativa dos bens de dominio público correspondentes ao servizo municipal do cemiterio de Ou Balado. O pasado mes de decembro a corporación aprobara a xestión directa tanto do cemiterio como do tanatorio, un servizo que é gratuíto para os veciños do municipio. Naquel momento, o Concello solicitou á empresa adxudicataria que presentase a liquidación da concesión e as contas de explotación de cada un dos doce anos nos que xestionou este servizo, algo que a día de hoxe aínda non se presentou.

Un grupo de mozos irrompen na sala pedindo a construción do local de ensaio prometido.
O pleno discorría con tranquilidade cando entraron na sala un grupo de mozos cunha pancarta e ataviados con camisetas para protestar pola tardanza na construción dun local de ensaio. O que non pasou a maiores foi que estes mozos entraron á sala da man dos representantes do BNG no concello, algo que podía facer que saltasen suspicacias... A construción deste local acordouse por unanimidade no pleno celebrado o día 25 de decembro do ano pasado. A gran cantidade de grupos musicais que proliferan no municipio ordense fixo que o grupo nacionalista propuxese ao goberno local a cesión dun recinto para integralo na rede galega de locais de ensaio, que promove a Dirección Xeral de Xuventude e que este ano investirá dous millóns de euros. Entre os posibles locais aparecía o edificio da escola de música, pero un informe realizado en xuño deste ano indicaba que a estrutura do edificio «non pode baixo ningún concepto soportar a construción dunha segunda planta», polo que habería que demoler o edificio e facelo de novo.
O alcalde, Manuel Regos, admitiu que o proceso «vai lento», pero tamén afirmou a todos os mozos presentes que «estamos a realizar os trámites para buscar un local de ensaio, que esperamos que haxa axiña».
Ao finalizar o debate plenario os mozos despregaron a súa pancarta na porta da Casa do Concello e realizaron un "mini concerto" para continuar coa súa protesta de reivindicación dun local de ensaio no municipio.

Ademais.
A corporación municipal aprobou por unanimidade a participación do Concello no Plan de iluminación e outros complementos nos campos de fútbol municipais de herba artificial 2008. Este é un plan deseñado pola Deputación Provincial da Coruña e do que Ordes recibirá 60.000 euros para a iluminación do novo campo de fútbol que se está construíndo en Vista Alegre.

Raña gaña en Kitzbühel e presenta a súa candidatura olímpica

	Iván Raña regresou á cima mundial do triatlón ao gañar a proba da Copa do Mundo disputada en Kitzbuehel (Austria), a última competición antes de afrontar a súa participación nos Xogos Olímpicos de Pekín. O galego acabou así con cinco anos de seca xa que a súa última vitoria data de 2003 na proba disputada en Madeira (Portugal). Antes, Raña -subcampeón do Mundo tamén en 2003 e 2004- tamén gañara as Copas do Mundo de Madeira (2002) e en Ishigaki (Xapón) en 2001, onde se converteu no primeiro español en logralo. Raña, que xa destacara en Deas Moines (EEUU), onde acabou cuarto na proba da Copa do Mundo disputada o pasado 23 de xuño, cubriu o percorrido -de 1.500 metros a nado, corenta quilómetros en bicicleta e dez máis de carreira a pé- nun tempo vencedor dunha hora, 45 minutos e 23 segundos, seis menos que o neozelandés Kris Gemell. Terceiro foi o suizo Sven Riederer -bronce nos Xogos de Atenas 2004-, que lles acompañou no podio da proba tirolesa, nas que por só un segundo relegó aos postos cuarto e quinto ao neozelandés Bevan Docherty -prata nos Xogos gregos- e ao ruso Ivan Vasiliev, que fora o primeiro en saír das augas do Schwarzsee, o lago da localidade que alberga o descenso máis espectacular do esquí alpino. "É un dos días máis felices da miña vida" A menos dun mes para os Xogos de Pekín, España presentará na cita olímpica a dúas triatletas de gran solvencia, xa que Raña uniuse a Javier Gómez Noya, campión mundial este ano en Vancouver (Canadá) e líder da Copa do Mundo -competición que se anotou os dous últimos anos-, que non competiu en Kitzbuehel, na lista de favoritos. "Estou realmente feliz, é un dos días máis felices da miña vida, porque tiven muchísimos problemas de saúde logo dos Xogos de Atenas", declarou Raña. "Non puiden adestrarme como desexase durante anos, polo que o regreso foi moi duro e estou moi feliz", manifestou o galego, que, con esta vitoria ascendeu ao duodécimo posto da Copa do Mundo, competición na que subiu nove veces ao podio. Raña contabiliza un total de 116 puntos no torneo que lidera Gómez Noya con 300, 54 máis que Docherty e con 99 de vantaxe respecto de Vasiliev, que é terceiro na xeneral.

Festas patronais e verán cultural

Festas patronais

Xa é público o programa das festas que, como pon no programa, se celebrarán na nova alameda os días 14, 15, 16 e 17.
O 14 estará a banda de música de Arca e as orquestras Bahía Blanca e Panorama.
O día 15 as orquestras Emperadores e Olympus, os Viqueiras e a banda de música das Pontes.
O 16 a París de Noia e Nueva Generación, de novo os gaiteiros os Viqueiras e a banda municipal de música de Ordes.
O ultimo día o 17, a orquestra Suavecito, mais, como pon no programa, a gran gala musical en directo con David Civera e Marlene Morreau( gran artista consagrada no panorama estatal...). Neste apartado pon tamén, espectáculo musical de televisión española, Rocio Caamaño e grupo gallego de pop juvenil Nuev8seis, aínda que estes 3 apartados non sei moi ben de que se tratan, a ver se alguén o pode explicar.